मेरो धैर्यता देखेर, काल समेत फर्केर गयो (गजल्)

  ईन्द्र रोकाय जाजरकोट 

      हाल काठमाण्डौ

     कसैले परीक्षा लिन चुनौती पठाएको रहेछ ।

लाग्यो छाती गोली छेक्न , बनाएको रहेछ ।

         तिमी जसको पिठ्युँमा छुरा, धस्दै हिँड्थ्यौ।

भित्तामा उसैले तिम्रो तस्बिर, सजाएको रहेछ ।

        उचाइमा पनि त पीडा छ,शीत जूनको आँसु हो ।

जूनले पनि त हरेक रात रोएर,कटाएको रहेछ ।

          आमा भनेर चिच्यायो आमा गुमाएको बच्चा ।

सपनामा ऊ,आमाकै काखमा,निदाएको रहेछ।

             मेरो धैर्यता देखेर, काल समेत फर्केर गयो ।

जो,योजना बनाएर मलाई मार्न आएको रहेछ ।