नेपालगन्जको सीटी प्यालेस होटल पैसा वालाका लागि आइसोलेसन सेन्टर बन्यो...

समयपाटी संबाददाता 

श्रावण २४ शनिबार २०७७

कोहलपुर बाके / बाँकेमा कोरोना संक्रमितले बस्न चाहेको खण्डमा सुबिधा युक्त आइसोलेसनमा बस्न  होटलको व्यवस्था गरिएको छ । कोरोना भाइरसका बिरामी  बढ्दै गएपछि पैसा तिरेर बस्ने संक्रमितलाई नेपालगन्जको सिटी प्यालेस होटललाई आइसोलेसन बनाइएको हो ।

होटलमा एक जना संक्रमितको  दैनिक २५ सय रुपैयाँ लिने गरिएको  छ । सरकारले तयारी गरेका आइसोलेसनहरु  त्यति व्यवस्थित नहुदा यो ब्यबस्थापन गरिएको हो । नेपालगन्जको चर्को गर्मीमा अव्यवस्थित आइसोलसनमा बस्न गाह्रो हुने हुँदा पैसा तिरेर होटलमै बस्न लागिएको त्यहा बस्ने बिरामिको भनाई रहेको छ । उक्त होटलमा नेतादेखि हाइप्रोफाइल भएका संक्रमित आइसोलेसनमा बसेका छन् । बाँकेमा हालसम्म ६ वटा आइसोलेसन सेन्टर सञ्चालन गरिएको छ । प्रमुख जिल्ला अधिकारी रामबहादुर कुरुम्वाङका अनुसार  पैसा तिरेर सुविधायुक्त आइसोलेसनमा बस्न चाहनेका लागि होटलको व्यवस्था गरिएको बताउनुभयो।