खजुरामा ११६ जना कुपोषित गर्भवती तथा स्तनपान गराइरहेका महिलालाई पौष्टिक आहारसहितको झोला वितरण

बाकेको खजुरा गाउँपालिकामा ११६ जना कुपोषित गर्भवती तथा स्तनपान गराइरहेका महिलालाई पौष्टिक आहारसहितको झोला वितरण गरिएको छ ।
पोषणमैत्री स्थानीय शासन प्रवद्र्धन कार्यक्रम अन्तर्गत कुपोषित आमा तथा बालबालिकाका अभिभावकलाई लक्षित गरी आयोजित पोषण सम्बन्धी जनचेतनामूलक अभिमुखीकरण कार्यक्रममार्फत उक्त सामग्री वितरण गरिएको हो ।
खजुरा गाउपालिका स्वास्थ्य शाखा प्रमुख लक्ष्मी ओली केसीले गाउँपालिकाका सबै वडामा पुगेर लाभग्राही महिलाहरूलाई पौष्टिक आहारसहितको झोला हस्तान्तरण गर्नुभएको थियो । कार्यक्रमका क्रममा सहभागीहरूलाई सन्तुलित आहार, गर्भावस्था तथा स्तनपान अवधिमा आवश्यक पोषण, बालबालिकाको उचित स्याहार तथा कुपोषण न्यूनीकरणका उपायबारे जानकारी दिइएको थियो ।
स्वास्थ्य शाखाका अनुसार गर्भवती तथा स्तनपान गराइरहेका महिलाको पोषण अवस्था सुधार गरी आमा र शिशुको स्वास्थ्य सुदृढ बनाउने उद्देश्यले कार्यक्रम सञ्चालन गरिएको हो । कुपोषण न्यूनीकरण तथा स्वस्थ जीवनशैली प्रवद्र्धनमा यस्ता कार्यक्रम प्रभावकारी हुने विश्वास लिइएको छ ।
सामग्री वितरण कार्यक्रममा स्थानीय जनप्रतिनिधि, स्वास्थ्यकर्मी, महिला स्वास्थ्य स्वयंसेविका तथा सरोकारवालाहरूको उपस्थिति रहेको थियो। सहभागीहरूले यस्ता कार्यक्रमलाई निरन्तरता दिनुपर्ने आवश्यकता औंल्याएका थिए ।
खजुरा गाउँपालिकाले पोषणमैत्री स्थानीय शासनको अवधारणालाई प्रभावकारी रूपमा कार्यान्वयन गर्दै समुदायस्तरमा पोषण सुधारका विभिन्न कार्यक्रम सञ्चालन गर्दै आएको स्वास्थ्य शाखाले जनाएको छ ।

नेपालमा कुपोषण न्यूनीकरणका लागि ’पहिलो १००० दिन’ (गर्भावस्थाको सुरुदेखि बच्चा २ वर्षको हुँदासम्म) को अवधिलाई निकै संवेदनशील मानिन्छ। यस झोलाको मुख्य उद्देश्य आमाको दुध उत्पादन बढाउनु र बच्चाको शारीरिक तथा मानसिक विकासमा मद्दत गर्नु हो ।
गर्भमा रहेको शिशुले आफ्नो आमाले खाएको खानाबाट नै पौष्टिक तत्व पाएर हुर्कन्छन् । गर्भधारणदेखि नै आमाले दिनहुँ खाने साविक खानाका साथै एकपटक थप पौष्टिक तथा सन्तुलित खाना खानुपर्छ ।

सुत्केरीरस्तनपान गराइरहेकी महिलालाई स्थानीय स्तरमा उपलब्ध हुने ७ समूहका विभिन्न खाद्यवस्तुहरु (१. अन्न वा जमिन मुनी फल्ने कन्दमूल, २. गेडागुडी, तेलहन, बियाँ र , ३. दूध तथा दूग्ध पदार्थ, ४. मासु÷माछा, ५. अण्डा, ६. भिटामिन ए पाइने फलफूल र तरकारी जस्तै ९ पाकेको मेवा, आँप, सुन्तला, गाजर र फर्सी, तथा ७. अन्य फलफूल तथा तरकारी) मध्येबाट कम्तिमा ४ समूहका खानेकुराहरु खुवाउनु पर्दछ। सबै खाना समूहबाट विविध खाना खानाले सुत्केरी अवस्थामा सुक्ष्म पोषक तत्वको कमीबाट टाढा रहन सकिन्छ ।

गर्भवती स्वस्थ हुन र तन्दुरुस्त रहन प्रत्येक दिन साविक भन्दा १ पटक थप खाना खाएको सुनिश्चित गर्नुपर्छ ।

सुत्केरी महिलाहरुलाई यस्तो अवस्थामा विशेष गरी ज्वानोको झोल, गेडागुडीको झोल, सुत्केरी मसला (मेथी, गुद, काजु, बदाम, छोकडा, बत्तिसा, मिश्री, सख्खर), थप पोषिलो खाना खुवाएमा दुध उत्पादन गर्न मद्दत गर्दछ । यसको साथै सुत्केरीरस्तनपान गराइरहेकी महिलालाई साविकको खानाको साथसाथै थप २ पटक पोषिलो खानाहरु खुवाउनु पर्दछ ।

त्यसका साथसाथै रक्तअल्पताबाट बच्न स्थानीय स्तरमा पाइने खाना जस्तै टुसा उमारेको गेडागुडी, हरियो सागपात, कुरिलो, च्याउ, आदि पनि खुवाउनु पर्दछ। बालबालिका जन्मिएपछि आमालाई ४२ दिन भित्र १ मात्रा भिटामिन ए क्याप्सुल खुवाउन स्वास्थ्यकर्मी, महिला स्वास्थ्य स्वंय सेविकासँग सम्पर्क गर्नुपर्छ । भिटामिन ए क्याप्सुल खानाले आमाको दूध थप पोषिलो बनाउँदछ जसले बालबालिकालाई स्वस्थ र बलियो बनाउँछ । भिटामिन ए धेरै मात्रामा पाइने खानेकुराहरु जस्तै अण्डा, कलेजो, पाकेको मेवा, फर्सी, गाँजर पनि खुवाउनु पर्दछ ।

शाकाहारी वर्गको हकमा भने उनीहरुले गेडागुडी, टुसा उमारेको गेडागुडी, दूध तथा दूग्ध पदार्थ, भटमास, तेलहन (यष् िकभभमक बलम लगतक) लगायतका खानेकुराहरुमा जोड दिनुपर्छ।

गर्भावस्था र स्तनपान गराउने बेलामा, उचित पोषण भएन भने आमाको स्वास्थ्य तथा जन्मने नवशिशुको स्वास्थ्यमा पनि प्रतिकूल असर पर्दछ
यसको साथै सुत्केरीरस्तनपान गराइरहेकी महिलालाई साविकको खानाको साथसाथै थप २ पटक पोषिलो खानाहरु खुवाउनु पर्दछ
गर्भवती भएको चौथो महिनादेखि सुत्केरी भएको ४५ दिनसम्म दिनको एक चक्कि आइरन फोलिक एसिड खानुपर्छ । आइरन फोलिक एसिड चक्कि सरकारी स्वास्थ्य संस्थामा निशुल्क पाईन्छ ।

पहिलो गर्भवती जाँचमा स्वास्थ्यकर्मीसँग जुकाको औषधी (एलबेन्डाजोल) लिनुपर्छ । गर्भवती महिला र शिशुलाई टिटानस र भ्यागुते रोगबाट बचाउन स्वास्थ्यकर्मीको सल्लाह अनुसार टिटि खोप पनि लिनुपर्छ ।

गर्भवती आमाले आयोडिनयुक्त नुन खाएर शिशुलाई सुस्त मनस्थिति, होचोपुड्को, छाला र कपालको समस्या, गलगाँड आदि हुनबाट बचाउनु पर्दछ ।

किशोरी÷गर्भवती महिला र स्तनपान गराई रहेकी महिलाले धुम्रपान, मद्यपान गर्नु हुदैन तथा धुवाँमा बस्न हुदैन । आमा र बालबालिकालाई स्वस्थ राख्न श्रीमान्ले सुत्केरी श्रीमतीले दिनको थप २ पटक पोषिलो खाना खाएकी छिन् भन्ने कुरा सुनिश्चित गर्नुपर्छ ।

खानेपनीलाई शुद्धिकरण गरेर मात्र पानी पिउनुपर्छ । पानीलाई उमालेर, क्लोरिन झोल हालेर वा फिल्टर गरेर शुद्धिकरण गरेर पिउनुपर्छ ।