जाजरकोटका पत्रकार बाल कुमार शर्मा माथी गरिएको प्रहरीको दुव्यवहार!

नेपाल प्रेस युनियन केन्द्रीय समितिले पत्रकारमाथि प्रहरीद्वारा गरिएको दुव्यवहारप्रति गम्भीर आपत्ति प्रकट गर्दै यसलाई प्रेस स्वतन्त्रतामाथिको आक्रमणको रूपमा लिएको छ।

जाजरकोट जिल्लामा भएको घटनामा प्रहरीले नेपाल प्रेस युनियनका जाजरकोटका पूर्व अध्यक्ष तथा हाम्रापाइल एफएमका वरिष्ठ पत्रकार बालकुमार शर्मालाई धम्की दिँदै भिडियो डिलिट गर्न लगाएको हो।

सार्वजनिक स्थलमा महिलाहरूले तीजको गीतमा  गाइरहेको र नृत्य गरिरहेको भिडियोको दृश्य संकलन गर्ने क्रममा यस्तो अपमानजनक व्यवहार भएको बताइएको छ।

सार्वजनिक कार्यक्रममा पत्रकारमाथि नियन्त्रण प्रयास सार्वजनिक स्थानमा महिलाहरूले परम्परागत तीज गीत गाउँदै गरेको क्षणलाई क्यामेरामा कैद गर्ने क्रममा प्रहरी निरीक्षकले पत्रकार शर्मालाई नजिकै बोलाएर धम्की दिएको र जबर्जस्ती भिडियो डिलिट गर्न लगाएको प्रत्यक्षदर्शीहरूले बताएका छन्। पत्रकार शर्माले पेशागत दायित्व निर्वाह गर्दै सार्वजनिक गतिविधिको रिपोर्टिङ गर्ने क्रममा यस्तो व्यवहार सहनुपरेको हो।

नेपाल प्रेस युनियनले विज्ञप्ति जारी गर्दै प्रहरीको यो कदम लोकतान्त्रिक मूल्य र प्रेस स्वतन्त्रताको प्रत्यक्ष उल्लंघन भएको जनाएको छ। युनियनका महासचिव दीपक पौडेलद्वारा जारी विज्ञप्तिमा भनिएको छ, “सार्वजनिक स्थलमा भएको गतिविधिको फोटो वा भिडियो खिचेर आम नागरिकलाई सूचित गर्नु पत्रकारको पेसागत दायित्व हो। तर प्रहरी निरीक्षकले धम्की दिँदै जबर्जस्ती सामग्री डिलिट गराउनुले प्रहरीको मनोमानी व्यवहार झल्काएको छ।”

प्रेस स्वतन्त्रतामाथि आक्रमणको संज्ञा युनियनले पत्रकारमाथि गरिएको दुव्यवहारलाई प्रेस स्वतन्त्रतामाथिको आक्रमणको रूपमा व्याख्या गर्दै यस्ता घटनाले प्रहरी–पत्रकार सम्बन्धलाई अस्वस्थ बनाउने चेतावनी दिएको छ। लोकतान्त्रिक व्यवस्थामा पत्रकारहरूले निर्वाध रूपमा समाचार संकलन गर्न पाउने अधिकार सुनिश्चित गरिएको भन्दै युनियनले दोषी प्रहरीमाथि तत्काल कारबाही गर्न माग गरेको छ।

“आगामी दिनमा प्रेस स्वतन्त्रता विरोधी गतिविधि रोकिनुपर्छ। पत्रकारलाई निर्वाध रूपमा समाचार संकलन गर्ने वातावरण बनाउन राज्य जिम्मेवार हुनुपर्छ,” विज्ञप्तिमा भनिएको छ। प्रहरी प्रशासनलाई कारबाही र सुधारको माग नेपाल प्रेस युनियनले यस घटनामा संलग्न प्रहरी निरीक्षकलाई कारबाहीको दायरामा ल्याउन गृह मन्त्रालय र नेपाल प्रहरीको केन्द्रिय नेतृत्वसमक्ष माग गरेको छ।

युनियनले प्रहरी प्रशासनलाई लोकतान्त्रिक समाजमा पत्रकारको भूमिकाप्रति संवेदनशील बन्न पनि आग्रह गरेको छ। युनियनले भनेको छ, “पत्रकारलाई धम्क्याउने, दमन गर्ने र अभिव्यक्ति नियन्त्रण गर्ने प्रवृत्ति लोकतन्त्र र प्रेस स्वतन्त्रताको मर्मविपरीत छ। दोषी प्रहरीलाई कारबाही गरी पत्रकारलाई सुरक्षित वातावरण दिलाउन सरकारले पहल गर्नुपर्छ।”

पत्रकार समुदायको ऐक्यबद्धता नेपाल प्रेस युनियनले पत्रकार शर्मामाथि भएको अपमानजनक व्यवहारप्रति गहिरो ऐक्यबद्धता जनाउँदै सबै पत्रकारलाई पेशागत जिम्मेवारी निर्वाहका क्रममा आत्तिन नहुने आह्वान गरेको छ।

युनियनले प्रहरी प्रशासनलाई लोकतान्त्रिक मूल्यको रक्षा गर्न, पत्रकारलाई सम्मानपूर्वक व्यवहार गर्न र सुरक्षित वातावरण निर्माण गर्न विशेष ध्यान दिनुपर्नेमा जोड दिएको छ। लोकतन्त्र र प्रेस स्वतन्त्रताको सवाल नेपालमा लोकतन्त्रको आधारशिला नै प्रेस स्वतन्त्रता रहेको सन्दर्भमा यस्ता घटनाले समाजमा नकारात्मक सन्देश दिन सक्ने सरोकारवालाहरूको बुझाइ छ।

सार्वजनिक स्थानमा भएको गतिविधि कभर गर्ने अधिकार पत्रकारलाई कानूनी रूपमा सुनिश्चित छ। तर प्रहरीद्वारा जबर्जस्ती नियन्त्रण र धम्की दिने कामले अभिव्यक्ति स्वतन्त्रताको गम्भीर उल्लंघन भएको युनियनको दाबी छ।  पत्रकार बालकुमार शर्मामाथि प्रहरी निरीक्षकले गरेको दुव्यवहारलाई नेपाल प्रेस युनियनले गम्भीर रूपमा लिँदै तत्काल कारबाही र सुधारको माग गरेको छ। युनियनले यसलाई प्रेस स्वतन्त्रता, पत्रकारको सुरक्षासँग जोडिएको प्रश्न मात्र नभई सम्पूर्ण लोकतान्त्रिक मूल्यमा आघात पुग्ने कामका रूपमा व्याख्या गरेको छ।

युनियनले आगामी दिनमा यस्ता घटनाहरू रोक्न प्रहरी प्रशासनलाई सचेत रहन आग्रह गर्दै, पत्रकारले निर्वाध रूपमा समाचार संकलन गर्न सक्ने वातावरण निर्माण गर्न सरकार र सरोकारवालाको ध्यानाकर्षण गराएको छ।