"इनरुडेक बाँकेद्वारा २७ औ स्थापना दिबसका अबसरमा दिगो विकासका लागि सशक्त कार्यक्रम सम्पन्न "!

“बाँके, भदौ ११ – “मानव अधिकार, सामाजिक न्याय, पारदर्शिता तथा जवाफदेहिता र दिगोपना” भन्ने मूल नारालाई मार्गदर्शक बनाउँदै वातावरण तथा ग्रामीण विकास केन्द्र (इनरुडेक) बाँकेले आज एक विशेष कार्यक्रम आयोजना सहित २७ औ स्थापना दिबस सम्पन्न  गरेको छ।

ग्रामीण स्तरमा जनचेतना अभिवृद्धि गर्दै स्थानीय तहमा समावेशी विकास, उत्तरदायित्वपूर्ण नेतृत्व र पारदर्शी शासन प्रणालीलाई प्रवर्द्धन गर्नु कार्यक्रमको मुख्य। कार्यक्रमको मुख्य उदेश्य हो।

इनरुडेक  बाँकेका अध्यक्ष धर्म रोकायको अध्यक्षतामा  प्रमुख अतिथि प्रतिनिधिसभा सदस्य तथा बाँके क्षेत्र नं. १ का माननीय सांसद सूर्य ढकालले ब्यानर पढेर कार्यक्रमको उद्घाटन गरेका थिए।  उद्घाटन सत्रमा बोल्दै सांसद ढकालले इनरुडेक बाँकेले स्थानीय तहमा जनस्तरसम्म पुगेर गरेको कामको प्रशंसा गर्दै भने, “स्थानीय जनताको सहभागितामै विकासको दिगोपनाको जरा गाडिन्छ। इनरुडेकजस्ता संस्थाले मानव अधिकार र सामाजिक न्यायका सवालमा खेलेको भूमिकाले राष्ट्रलाई नै बलियो बनाउने बताए।”

अध्यक्ष धर्म रोकायले संस्थाको विगत २३ वर्षको यात्राबारे प्रकाश पार्दै मानव केन्द्रित विकासको खाका प्रस्तुत गरे। “हामी केवल सेवा प्रदायक संस्था होइनौं, हामी परिवर्तनका साझेदार हौं। जनताको साथ र विश्वासले हामीलाई यो मुकाममा ल्याएको हो।”

कार्यक्रममा विभिन्न वक्ताहरूले सामाजिक न्याय, समावेशिता, महिला सशक्तीकरण, वातावरण संरक्षण, तथा पारदर्शी नेतृत्व विकासबारे धारणा राखे। सहभागिहरूले गाउँ–गाउँमा अझ बढी जनचेतनामूलक कार्यक्रम सञ्चालन गर्नुपर्नेमा जोड दिए। इनरुडेक बाँकेका कार्यक्रम संयोजकले दिगो विकास लक्ष्य (SDGs) सँग संस्थाका कार्यक्रमहरू कसरी जोडिएका छन् भन्ने बारे प्रस्ट पार्दै।  जलवायु परिवर्तन, लैङ्गिक समानता, शुद्ध खानेपानी, शिक्षा र आर्थिक सशक्तीकरणका क्षेत्रमा इनरुडेकले देखिने परिणाम हासिल गरिसकेको छ।

कार्यक्रमको अन्त्यमा सहभागी सबैले सामूहिक प्रतिबद्धता जनाउँदै “उत्तरदायी समाज, दिगो विकास” अभियानलाई अगाडि बढाउने अठोट व्यक्त गरे। अध्यक्ष रोकायले कार्यक्रम को समापन गर्दै उपस्थित सबैलाई धन्यवाद ज्ञापन गर्दै आयोजकले आगामी दिनहरूमा अझ प्रभावकारी कार्यक्रमहरू सञ्चालन गर्ने प्रतिबद्धता व्यक्त गरे।