कोहलपुरको जनविश्वास बहुमुखी सहकारीको २३औं साधारणसभा सम्पन्न, सांसद ढकालले गरे उद्घाटन!

कोहलपुर नगरपालिका–२ मा अवस्थित जनविश्वास बहुमुखी सहकारी संस्था लिमिटेडले आफ्नो २३औं वार्षिक साधारणसभा एक भव्य समारोहका बीच सम्पन्न गरेको छ ।

“मर्यादित सहकारी, समुन्नत समाज” भन्ने मूल नारासहित आयोजित साधारणसभाको अध्यक्ष नरेन्द्र प्रसाद शर्माको अध्यक्षतामा प्रमुख अतिथि   बाँके क्षेत्र नम्बर १ का संघीय सांसद सुर्य  ढकालले पानसमा बत्ती बालेर कार्यक्रमको उद्घाटन गरेका हुन। उद्घाटन सत्रमा बोल्दै प्रमुख अतिथि सांसद ढकालले अब सहकारीमा बचत गर्न डराउनु नपर्ने अवस्था आएको स्पष्ट पारे। उनले राज्यले सहकारीलाई बैंकिङ सेवा प्रदान गर्ने व्यवस्थापन गरिसकेकाले बचतकर्ताले जुनसुकै सहकारीमा पनि ढुक्कसँग बचत गर्न सक्ने वातावरण बनेको बताउदै , नेपाल सरकारले सहकारीसँग सम्बन्धित ठोस नीति नियम ल्याइसकेकाले यस क्षेत्रप्रति आम जनताको विश्वास अझ बढ्ने विश्वास व्यक्त गरे ।

विशिष्ट अतिथि जिल्ला सहकारी संघका अध्यक्ष प्रेम सुबेदीले सहकारी आफैंमा उज्ज्वल भविष्य बोकेको संस्था भएको भन्दै यसले जनताको जीवनस्तर उकास्न महत्त्वपूर्ण योगदान गर्दै आएको धारणा राखे। त्यस्तै, लुम्बिनी प्रदेश सांसद बशन्ती अधिकारीले सहकारीलाई सामाजिक न्याय र आर्थिक समावेशीकरणको शक्तिशाली माध्यमका रूपमा अगाडि बढाउन सबै तहको सहयोग आवश्यक भएको बताइन।

संघीय पूर्व सांसद देवराज भाटले सहकारीमा आबद्ध सञ्चालक समिति, लेखा सुपरिवेक्षण समिति, सल्लाहकारहरू गरी १७ जना जिम्मेवार पदाधिकारी र प्रमुख कार्यकारी अधिकृतसहित १९ जना कर्मचारीमार्फत संस्था व्यवस्थित रूपमा अघि बढिरहेको भन्दै सहकारी क्षेत्रले अझै पारदर्शिता र जवाफदेहितामा ध्यान दिनुपर्नेमा जोड दिए।

साधारणसभामा प्रस्तुत वित्तीय विवरणअनुसार २०८२ असार मसान्तसम्म संस्थाको कुल कारोबार २३ करोड ३४ लाख ९५ हजार १८ रुपैयाँ ३९ पैसा पुगेको र सो अवधिमा संस्थाले १३ लाख ७२ हजार २९५ रुपैयाँ ५० पैसा नाफा आर्जन गरेको जानकारी दिइएको छ ।

कार्यक्रममा विभिन्न व्यक्तिहरू सम्मानित भएका छन जसमध्ये  असली ऋणीका रूपमा तुलसरा थापा, असल कारोबारोका रूपमा ( नमस्ते मिट प्वाइन्ट) का प्रोपाइट महोबर खड्का, असल बचतकर्ताका रूपमा प्रेमकुमारी पौडेललाई सम्मान गरिएको थियो भने कर्मचारीतर्फ उत्कृष्ट बजार प्रतिनिधिका रूपमा देवकी धिताल र कर्जा प्रमुख महेन्द्र बहादुर शाहीलाई समेत सम्मान गरिएको थियो ।

कार्यक्रमको सञ्चालन  तथा कुशल उद्घोषक  सहकारीका कर्जा व्यवस्थापक महेन्द्र शाहीले  गरेका थिए भने सहजीकरणमा प्रमुख कार्यकारी अधिकृत माधव पोखरेलको विशेष भूमिका रहेको थियो । साधारणसभाको समापनमा  संस्थाका अध्यक्ष नरेन्द्र प्रसाद शर्माले आफुले प्रस्तुत गरेको बार्षिक प्रतिबेदन अनुसार आजको २३औं साधारणसभाले जनविश्वास बहुमुखी सहकारी संस्थालाई मजबुत र दिगो बनाउन सदस्य, कर्मचारी पदाधिकारी तथा सरोकारवालासमक्ष सशक्त संदेश दिदै उपस्थित सबैलाई धन्यवाद  समेत व्यक्त गरेका थिए ।