भेरी नगरपालिका वडा नम्बर १० को ऐतिहासिक पहल : २०६ घरथुरिलाई एक घर एक धारा,।

 शुक्रवार १६ जाजरकोट – खानेपानीको चरम अभाव व्यहोर्दै आएका भेरी नगरपालिका वडा नं. १० का बासिन्दाहरूको जीवनशैलीमा ऐतिहासिक परिवर्तन ल्याउने खालको पहल सुरु भएको छ।

भेरी नगरपालि वडा नम्बर १०को आयोजना र SUSWA सहकार्यमा वडा नं. १० अन्तर्गतका बस्तिहरु तल्लो बिराल्या, माथिल्लो बिराल्या, माथिल्लो डोप्ट्या, पल्सेली, दमारा टाट्क्या, रातिपोखरी र सेरिपाखा महिला भबन , मष्टा मन्दिर, भैरब मा. बि  लगायत २ बिद्यालय र अन्य  बस्तिहरूमा "एक घर एक धारा" अभियान सुरु गरिएको हो।

यस योजनाबाट २०६ घरधुरी प्रत्यक्ष लाभान्वित हुनेछन्। उक्त आयोजना अन्तर्गत आयोजित विशेष कार्यक्रममा वडाध्यक्ष दल बहादुर रानाको अध्यक्षतामा उद्घाटन सत्र सम्पन्न भएको थियो।  उद्घाटन सत्रमा अध्यक्ष रानाले ब्यानर पढेर आजको कार्यक्रम योजनाको उद्घाटन गरे। उद्घाटन सत्रमा  बोल्दै उनले भने, "हामीले वर्षौँदेखि पिउने पानीको समस्या झेलिरहेका थियौँ, भेरीको धङ्लो पानी पिएर पनि यो समस्या झेलेको बताउदै अब यो योजना कार्यान्वयन भएसँगै स्थायी समाधान  हुने र यहाँका जनताले शुद्ध खाने पानीको सुबिधा पाउने बताएकाछन"

कार्यक्रममा विशिष्ट अतिथिको रूपमा वडा सचिव लाल बहादुर कार्कीले योजना कार्यान्वयनको महत्त्व र पारदर्शिताबारे बोले। उनले भने, "स्थानीय सहभागिता, प्राविधिक सहजता र महिला सहभागितामार्फत योजना सफल पार्न हामी सबै प्रतिबद्ध छौँ।"

अन्य अतिथिहरूमा गगन राना, बुद्धिजीवी प्रतिनिधिहरू डिल बहादुर शाही, पदम शाही, शेर बहादुर शाही, शेर बहादुर राना, गोपाल राना, तुल्से राना, तुल्सी विक, भ्रदकला शाही, जय बहादुर चन्द, शान्त ब. राना कृृृष्ण बहादुर राना, लगायतको उल्लेखनीय उपस्थिति थियो।

कार्यक्रमको विशेष भागमा उपभोक्ता समितिको नयाँ कार्यसमिति गठन गरिएको छ। समितिको अध्यक्षमा वीर बहादुर शाही, उपाध्यक्षमा सोपी कामी, सचिवमा प्रेम बहादुर राना र कोषाध्यक्षमा गिता डि.सी. चयन भएका छन्। प्राविधिक पक्ष सम्हाल्न भुवन आचार्य र भावना चन्दको सहभागीताका  साथै आउदा दिनहरुमा समेत सहकार्य रहने बताए।यसैबीच आजको शुक्रवार भएको भब्य कार्यक्रम  भैरव मा.वि. परिसरमा आयोजना गरिएको थियो।

नगरपालिकाको सूचनाअनुसार भेलामा ५० प्रतिशत महिलाको अनिवार्य उपस्थिति थियो र आउदा दिनहरुमा पनि  यस्तै उपस्तिथि हुने उल्लेख गरिए छ।

यस योजनाले स्थानीय बासिन्दाको वर्षौंदेखिको प्यास मेटाउँदै स्वास्थ्य, सरसफाइ, र सामाजिक समृद्धिमा समेत टेवा पुर्‍याउने विश्वास लिइएको छ। स्थानीय प्रतिनिधि, जनप्रतिनिधि, प्राविधिक र सर्वसाधारणको सहकार्यमा यो परियोजना एक नमूना योजनाका रूपमा स्थापित हुने अपेक्षा गरिएको छ।

कार्यक्रमको अन्त्यमा वडा अध्यक्ष दल बहादुर रानाले समापन मन्तव्य दिँदै सबैलाई धन्यवाद ज्ञापन गरे। स्थानीयहरूमा यो योजनाप्रति उत्साह र समर्थन झल्किएको देखिन्थ्यो, जसले गर्दा यो योजना सफल कार्यान्वयनतर्फ अघि बढ्ने सुनिश्चित भएको छ।