श्री शिवशक्ति आधारभुत विद्यालयमा नेतृत्व विकास तालिमको औपचारिक रुपमा उद्घाटन !

कोहलपुर नगरपालिका वडा नम्बर २ स्थित श्री शिवशक्ति आधारभूत विद्यालयमा  नेतृत्व विकास तालिमको उद्घाटन सुरु भएको छ।

कोहलपुर नगरपालिका वडा नम्बर २ स्थित श्री शिवशक्ति आधारभूत बिद्यालयमाअसोज ८ देखि १४ गते  सम्म नेतृत्व विकास तालिम संचालन हुना  लागिएको हो।

कक्षा ६ देखि ८ कक्षा  सम्मका विद्यार्थी र केही शिक्षकसहित ४० जनाको सहभागिता रहेको यो तालिम समाज सेवा केन्द्र संस्था नेपालद्वारा आयोजित गरिएको थियो। कार्यक्रमको अध्यक्षता विद्यालय व्यवस्थापन समितिका अध्यक्ष बिरेन्द्र कुमार बस्नेत ले गरेका थिए।

प्रमुख अतिथि कोहलपुर नगरपालिका वडा नम्बर २ का वडा अध्यक्ष हरि कठायतले ब्यानर पढेर तालिमको औपचारिक रूपमा  उद्घाटन गरेका थिए । उद्घाटन समारोहमा बोल्दै प्रमुख अतिथि कठायतले विद्यार्थी र शिक्षकको नेतृत्व क्षमतामा सुधार ल्याउने यस्ता तालिमले विद्यालयमा समग्र शैक्षिक गुणस्तरमा सुधार हुने विश्वास व्यक्त गरे। उनले भने, “विद्यार्थीहरुलाई यसरी नेतृत्व गुण सिकाउन सके, उनीहरु भविष्यमा जिम्मेवार नागरिक बन्नेछन्।

तालिमका मुख्य प्रशिक्षक समाज सेवा केन्द्रका केन्द्रिय  अध्यक्ष विनोद थापाले  सहभागीहरुलाई सम्बोधन गर्दै यस्ता तालिमले विद्यार्थीहरुलाई व्यावहारिक शिक्षा प्रदान गर्ने र आफुले जानेका बुझेका सबै सीप ४० जना  सहभागीहरुलाई बताउदै अबका केही दिन सम्म यहाँहरुको साथमा रहने प्रतिबद्धता व्यक्त गरे।

कार्यक्रमको अन्त्यमा, विद्यालय प्रधानाध्यापकले स्वागत मन्तव्यमा उपस्थित सबैलाई स्वागत गर्दै तालिमको महत्त्वमा प्रकाश पारेका थिए। विद्यालय व्यवस्थापन समितिका अध्यक्ष बिरेन्द्र कुमार बस्नेतले सहभागीहरुलाई धन्यवाद दिँदै तालिम सफलतापूर्वक सम्पन्न भएको घोषणा गरे।