श्री कृष्णा मा.वि., कोहलपुरमा भिम कमला अक्षयकोष २०८१ स्थापना।

बाँके जिल्ला अन्तर्गत कोहलपुर नगरपालिका वडा नम्बर १ मा अवस्थित श्री कृष्णा माध्यमिक विद्यालयमा भिम कमला अक्षयकोष २०८१ को स्थापना गरिएको छ।

यो अक्षयकोष विशेषत: विद्यालयमा आर्थिक रूपमा कमजोर, र अन्यथा असक्षम विद्यार्थीहरूलाई उच्च शिक्षा प्राप्त गर्न सहयोग पुर्याउने उद्देश्यले यो अक्षयकोषको स्थापना गरिएको हो।

उक्त अक्षयकोष स्वर्गीय भिम ब. मल्ल ठकुरिको सम्झनामा उहाँकी धर्मपत्नी श्री कमला देवी मल्लद्वारा १८ लाख रुपैयाँको आर्थिक सहयोगमा स्थापना गरिएको छ।

आयोजित उक्त कार्यक्रमको उद्घाटन लुम्बिनी प्रदेश सभासद दुर्गा चौधरीले ब्यनार पढेर कार्यक्रमको उद्घाटन गर्नुभएको थियो ।  उद्घाटन समारोहको प्रमुख अतिथि दुर्गा चौधरीले  "शिक्षा नै समाजको उज्यालोको स्रोत हो, र यस किसिमको अक्षयकोषले समाजमा शिक्षा विस्तारमा ठूलो योगदान पुर्याउनेछ। यस अक्षयकोषले विद्यार्थीहरूलाई उच्च शिक्षा हासिल गर्न मद्दत पुर्याउने मात्र होइन, तिनीहरूको भविष्य उज्यालो बनाउनका लागि पनि महत्त्वपूर्ण भूमिका खेल्ने बताउनु भएको छ।"

विशिष्ट अतिथि कमला देवी मल्लले कार्यक्रममा आफ्नो भावना व्यक्त गर्दै भिम ब. मल्ल ठकुरिको शिक्षा र समाजप्रतिको लगावको बारेमा चर्चा गर्नुभयो। उहाँले भन्नुभयो, "मेरो दिवंगत पति, स्वर्गीय भिम ब. मल्लले शिक्षा क्षेत्रप्रति गहिरो रुचि राख्नुहुन्थ्यो र उहाँको सपना थियो कि हाम्रो समाजका सबै बालबालिकाले गुणस्तरीय शिक्षा प्राप्त गर्न सकून्। यो अक्षयकोष उहाँको सपना पूरा गर्न एक सानो प्रयास हो। मैले उहाँको सम्झनामा यस अक्षयकोषको स्थापना गर्न पाउँदा गर्व अनुभव गरेको छु। आशा छ, यसले यहाँका विद्यार्थीहरूलाई प्रेरित गर्नेछ र उनीहरूको शिक्षा यात्रामा सहयोग पुर्याउनेछ।"

कार्यक्रममा कोहलपुर नगरपालिकाका कार्यवाहक नगर प्रमुख बिरेन्द्र कुमार शाहले भिम कमला अक्षयकोषको स्थापनाले नगरको शिक्षा क्षेत्रलाई ठुलो फाइदा पुर्याउने उल्लेख गर्नुभयो। उहाँले भन्नुभयो, "हाम्रो नगरपालिकामा यस्तो उत्कृष्ट प्रयासले शिक्षा क्षेत्रको स्तर उकास्न महत्वपूर्ण भूमिका खेल्नेछ। हामीले नगरका अन्य स्थानहरूमा पनि यस्ता कोषहरू स्थापना गर्न प्रोत्साहन गरिनु आवश्यक छ, जसले गर्दा हाम्रा विद्यार्थीहरूलाई राम्रो शिक्षा प्राप्त गर्न आर्थिक कठिनाइको सामना गर्न नपरोस्।

त्यसैगरी, कोहलपुर नगरपालिका सामाजिक विकास समितिका संयोजक ईस्वरी प्रसाद विश्वकर्माले पनि यस अक्षयकोषको स्थापनालाई ऐतिहासिक कदमको रूपमा वर्णन गर्नुभयो। उहाँले भन्नुभयो, "यो अक्षयकोषले धेरै विद्यार्थीहरूको जीवनमा सकारात्मक परिवर्तन ल्याउनेछ। हाम्रा विद्यार्थीहरूलाई आत्मनिर्भर र आत्मविश्वासी बनाउने यस कदमलाई हामीले सबै क्षेत्रबाट समर्थन गर्नुपर्दछ।"

उक्त कार्यक्रमको अध्यक्षता गरेका तिलकराम नेपालले अक्षयकोष स्थापनामा सहयोग गर्ने सबैलाई धन्यवाद ज्ञापन गर्दै यस कार्यलाई निरन्तरता दिनुपर्ने आवश्यकता औँल्याउनुभयो। उहाँले भन्नुभयो, "शिक्षा नै भविष्यको जग हो, र यस अक्षयकोषले हाम्रा विद्यार्थीहरूको उज्ज्वल भविष्य सुनिश्चित गर्न महत्त्वपूर्ण भूमिका खेल्नेछ। यो कोषलाई सही व्यवस्थापन गरेर यसको दायरा विस्तार गर्न आवश्यक छ, जसले गर्दा थप विद्यार्थीहरू यसबाट लाभान्वित हुन सकून्।

यस कार्यक्रममा उपस्थित अन्य अतिथिहरूले पनि अक्षयकोषको महत्त्वबारे चर्चा गरे। उनीहरूले यस कदमलाई शिक्षा क्षेत्रमा उत्कृष्ट योगदानको रूपमा प्रशंसा गरे र आगामी दिनहरूमा थप यस्ता प्रयासहरूको आवश्यकता रहेको बताए।

 कार्यक्रमको समापनमा, भिम कमला अक्षयकोष २०८१ को भविष्यका योजनाहरू प्रस्तुत गरियो। उपस्थित सबैले विद्यालयको प्रगतिको लागि आफ्नो समर्थन जनाए र शिक्षा क्षेत्रलाई अझ बलियो बनाउन सामूहिक प्रयास गर्नुपर्नेमा जोड दिए।  कार्यक्रम सफलतापूर्वक सम्पन्न भयो, र यसले विद्यालय तथा स्थानीय समाजमा नयाँ ऊर्जा प्रदान गरोस भन्दै कार्यक्रमका सभा अध्यक्ष तिलकराम नेपाल द्वारा आजको कार्यक्रम समापन गरिएको थियो।