खुसीको खबर बाकेका ६ जना कोरोना संक्रमित बुधबार निको भएर घर जाँदै...

समयपाटी संबाददाता

श्रावण १४ बुधबार २०७७

बाँकेमा  बुधबार  थप ६ जना कोरोना संक्रमित निको भएर घर जाने तयारीमा रहेका छन ।

स्वास्थ्य कार्यालय बाकेका कोरोना फोकल पर्सन नरेश बाबू श्रेष्ठका अनुसार कोरोना भाइरसबाट  मुक्त भइ बुधबार उनीहरु ६ जना  घर जाने भएका हुन ।

 बाँकेमा रहेको सुशील कोइराला प्रखर क्यान्सर अस्पताल खजुराको आइसोलेसन सेन्टरबाट नेपालगन्ज खजुरा २ का एक पुरुष, ३ का एक पुरुष, ८ का दुई पुरुष र नेपालगन्ज २१ का एक पुरुष र खजुरा ८ कि एक महिला सहित ६ जना डिस्चार्ज भइ घर जान लागेका हुन ।

यो सङ्गै कोरोना मुक्त भइ घर जानेको संख्या बाकेमा ३ सय ७९ पुगेको छ । अब विभिन्न आइसोलेसनमा २६ जना संक्रमित बााकी रहेका छन।

बाके जिल्लाका हालसम्म ४ सय ५ जनामा कोरोना संक्रमण पुष्टि भएको छ भने २ जनाको ज्यान गइ सकेको छ । त्यसैगरी, जिल्ला बाहिर घर भइ बाँकेमा कार्यरत   प्युठानका एक र जुम्लाका एक गरी २ जनामा समेत कोरोना संक्रमण पुष्टि भएको छ । यो समेत बाँके जिल्ला भित्र संक्रमित हुनेको संख्या जम्मा ४ सय ७ पुगेको छ ।