आत्तिएर के नै हुन्छ र ? खेद्नेहरु खेदीरन्छन्,! (गजल)

टीकाराम ढकाल 

कोहलपुर नगरपालिका प्रमुख प्रशासकीय अधिकृत 

 

लाग्छ कतै आगो, कैले पानी पनि त लाग्छ!

बुढेसकाल् भन्दा पैले जवानी पनि त लाग्छ!!

 

आत्तिएर के नै हुन्छ खेद्नेहरु खेदीरन्छन्,!

पावरमा मच्चिँदा मनोमानी पनि त लाग्छ!!

 

अविरमाला सयौं किलो सँधै कोले लगाउला र?!

कैले कुनै निधारमा खरानी पनि त लाग्छ !!

 

अति सम्म चुप लाग्ला, अत्याचारै भएसि त,!

मुर्ख मात्र हैन जाई, ज्ञानी पनि त लाग्छ ।