चौथो पटक सम्म पनि पेट्रोलियम पदार्थको मूल्य घट्दा नेपाल आयल निगम किन चुप।

भारतबाट  पेट्रोलियम पदार्थको मूल्य घटेको नेपाल आयल निगमले जनाएको छ ।

शुक्रबार मात्र  प्राप्त नयाँ मूल्यअनुसार डिजेल, पेट्रोल र हवाई इन्धनको मूल्य घटेर आएको निगमले बताएको हो । डिजेलको मूल्य प्रतिलिटर ४४ पैसा, पेट्रोलको मूल्य ६ रुपैयाँ ५५ पैसा त्यस्तै  हवाइ इन्धनको मूल्य एक रुपैयाँ ५० पैसा प्रतिलिटरका दरले घटेको निगमको भनाई रहेको  छ । नयाँ मूल्यअनुसार निगमलाई अब पेट्रोलमा प्रतिलिटर ८ रुपैयाँ नाफा र डिजलमा प्रतिलिटर ५ रुपैयाँ अझै  घाटा रहेको निगमले जनाएको छ । नयाँ मूल्यपछि पनि मासिक २० करोड रुपैयाँ नोक्सानी रहेको निगमको दाबी छ ।

यसअघि पनि बारम्बार  तीन पटकसम्म घटेर नयाँ मूल्य प्राप्त हुँदा सम्म पनि निगमले इन्धनको उपभोक्ता मूल्यमा समायोजन गरेको थिएन । यो समेत गरी चौथोपटक भारतबाट लगातार इन्धनको मूल्य घटेको  हो । अब इन्धनको नयाँ उपभोक्ता मूल्य समायोजनबारे भने निगम सञ्चालक समितिको बैठकले निर्णय गर्नुपर्नेछ ।